Куглање: Официјално КК Вардар го пријави своето учество на годинешниот Светски Куп кој ќе се одржи во Запрешиќ

Официјално Кугларскиот клб  Вардар го пријави своето учество на годинешниот Светски Куп кој ке се одржи во Запрешиќ, Хрватска од 01.10 – 06.10. 2018
Иако Вардар со вицешампионското место во МКЛ доби право да учествува во вториот по квалитет Европа куп, поради изборот на шампионот Макпетрол да игра во НБЦ купот кој е трет по вредност, КК Вардар доби можност да бира помеѓу Светскиот Куп и Европа Купот. Вардарци се горди на можноста по втор пат во својата историја да се натпреваруваат рамо до рамо со најдобрите светски екипи – шампиони на своите земји.

Претходно такво искуство им го донесе 11 место од 15 екипи и само за 20тина кегли им избега 8то место кое води директно во Лигата на Шампиони во куглање. Интересен е фактот дека Светскиот Куп ќе биде одржан на најновата и најмодерна куглана во Европа , на која Вардарци веќе имаа прилика да настапат пред некој месец на силен турнир по повод отворањето на овој спортски објект, при што победник беше екс вардарецот Бојан Влаќевски, а втор беше претседателот на КК Вардар , Димитар Димитровски. Кугланата е добра шанса за нашите куглари да направат свои најдобри резултати, како и значително подобрување на екипниот пеформанс.