Куглање: Вардар одигра возбудливо реми на гостувањето кај КК ГТЦ

После повеќемесечна пауза од кугларски возбудувања, вчера  Вардар одигра  дерби дуел со тимот на КК ГТЦ.  Ние гостувавме на оваа средба во кугларницата “Мусандра„ во Градскиот трговски центар Скопје. И како по обичај последниве две сезони,  се одигра лудо неизвесно дерби до последна кугла.

Овој дуел од 5то коло во Македонската кугларска лига-МКЛ заврши реми  4:4. Дуелот изобилуваше со возбуда и неизвесност до последната фрлена кугла. Во сетови ние доминиравме со  8,5:15,5, домаќинот имаше две “дрва“ повеќе во вкупниот скот и во тој сегмент имаше предност со  3200 према 3198.

Во тимот на Драги Димитровски најдобар поединец беше-Марјан Згонц. Ова беше  само втор натпревар после повеќемесечна пауза поради тешка повреда, средбата тој ја заврши  со скор од 567.  Покрај него поенираа и Дарко Димитровски, капитенот Миле Димовски и Ристовски Коста.